Dangme

MUKENYE

Yɛyɛ Nyamenle mo kɛ yebuke adenle yemaa yɛnyia ye edwɛkɛ ne wɔ Nzema aneɛ nu a.
Yɛyɛ bɛdabɛ noko mɔɔ adenle ngakyile biala anu bɛboale bɛmanle gyima ɛhye rale awieleɛ la, bɔbɔ Ewiade Baebolo Kuane ne (UBS), asɔne ngakyile mɔɔ wɔ Gana maanle ye anu, maanlema mɔɔ wɔ Gana ɛke nee Fenlanze (La Cote d'Ivoire), yɛɛ Nzema arelemgbunli nee bɛ mgbanyima kɔsɔɔti mo. Yɛdie yɛdi kɛ ɔlua bɛ moalɛ zo a gyima ɛhye ɛli munli a.
Gyima ne ɛyɛlɛ nu, ninyɛne nwiɔ yɛɛ menli mɔɔ bɛvale gyima ne bɛwulale bɛ sa nu la vale ziele bɛ nyunlu a:

MUKENYE

Mɔɔ lumua la a le kɛ bɛkɛbɔ mɔdenle kɛ edwɛkɛ ne abohilelɛ kɛbikye Hibulu nee Giliki aneɛ ne mɔ mɔɔ bɛlumuale bɛvale bɛhɛlɛle Baebolo ne la kpalɛ kpalɛ na bɛnrɛva debie gyɛne bɛnrɛboka nwo anzɛɛ bɛnrɛye bie bɛnrɛvi nu.
Mɔɔ tɔ zolɛ nwiɔ la a le kɛ ɔwɔ kɛ Nzema mɔɔ bɛfa bɛahɛlɛ la yɛ tagyee mɔɔ awie biala te ɔ bo ndɛndɛ la. Yɛdie yɛdi kɛ ɔle Nyamenle ɛhulolɛ kɛ menli kɔsɔɔti wɔ awolɛndoazo kɔsɔɔti anu kɛgenga Nyamenle Edwɛkɛ ne, bɛkɛde ɔ bo kpalɛ, na bɛkɛva bɛkɛbɔ ɛbɛla.
Menli mɔɔ lile gyima ne la bɔle mɔdenle lile zɛhae ngyehyɛlɛ ne azo.
Ninyɛne bie eza wɔ Baebolo ye anu mɔɔ yɛkulo kɛ kengavolɛma yɛ bɛ nzonlɛ a:
Bɛkɛnwu kɛ bɛbuke Buluku ko biala mɔɔ wɔ Baebolo ne anu la anye ekyii na bɛhile ninyɛne mɔɔ kengavolɛ ne banwu bɛ nu la. Bɛyɛ ɛhye kɛ bɛfa bɛamaa kengavolɛma anyia mɔɔ bɛbagenga la anwo adwenle.
Akee bɛhile ɛleka bieko mɔɔ edwɛkɛ ne mɔɔ kengavolɛ ne banwu ye wɔ ngyehyɛnu ne bie mɔ anu la wɔ la wɔ mukelɛ biala abo aze; nvoninli noko wɔ nu mɔɔ bamaa kengavolɛ ne ade mɔɔ ɔlɛkenga la abo a.
Edwɛkɛ ne bie mɔ wɔ ɛkɛ a bɛnle Nyamenle Edwɛkɛ mbuluku dɛba ne bie mɔ anu. Edwɛkɛ zɛhae mɔ bɛva bɛ bɛwula ekuku zɛhae [] anu. Edwɛkɛ agbɔkɛ bie mɔ wɔ ɛkɛ a bɛ bo ɛdelɛ ɛnla aze, yɛɛ bie mɔ ɛnle kɛ mɔɔ bɛte bɛ dɛba la noko yɛsuzu kɛ mɔɔ bɛhɛlɛ la le kpalɛ tɛla dɛba ne. Edwɛkɛ agbɔkɛ zɛhae mɔ, bɛhile nu wɔ Buluku ne awieleɛ lɔ, ɛleka mɔɔ bɛhɛlɛ “Edwɛkɛbohilelɛ” la.

Bɛhyɛ Buluku ko biala anu ngyebangyeba, bɛbɔ mɔɔ kengavolɛ ne banwu ye wɔ nu la kpɔkɛ na bɛhɛlɛ ye wɔ ɔ ti zo, yɛɛ bɛhile ɛleka fofolɛ mɔɔ kengavolɛ ne kɛnwu mɔɔ ɔlɛkenga la bieko wɔ buluku ne anu la.

Order Now

Nvoninli bie mɔ wɔ Buluku ye awieleɛ lɔ mɔɔ kile azua, maanzinli anzɛɛ maanle mɔɔ edwɛkɛ ne mɔ sisile zo anzɛɛ nuhua la.
Ɛnyelɛ la kɛ ɛhye mɔ amuala baboa kengavolɛma wɔ Baebolo ne ɛgengalɛ nee ye ɛzukoalɛ nu.
Nzema Baebolo ɛhye le Nyamenle Edwɛkɛ ne mɔɔ bɛhakyi ye bɛhɔ Nzema nu la gyima ne abobɔlɛ, yemɔti yɛze kɛ ɔtɛdile munli bɔkɔɔ. Yɛbahɔ zo yɛanleɛnlea nu yɛamaa yeali munli. Yɛsɛlɛ kengavolɛma kɛ saa bɛnwu nvonleɛ bie anzɛɛ debie mɔɔ ye ndelebɛbo ɛnvinde kpalɛ ɛmmaa bɛ la wɔ nu a, bɛhɛlɛ bɛrɛlɛ,

Contact Us

Bible Society of Ghana

Bible House, High Street, James Town, Accra., Cleland Rd
Accra, Ghana
Accra
+233
Tel: +233 30 266 3803
E-mail: info@biblesociety-ghana.org
Website: http://biblesociety-ghana.org/